स्व. एकनाथ काका जगताप प्रतिष्ठानचा जाधववाडी येथील आढाळगे परिवाराला मदतीचा हात

 स्व. एकनाथ काका जगताप प्रतिष्ठानचा जाधववाडी येथील आढाळगे परिवाराला मदतीचा हात

   

गराडे दि.९(वार्ताहर) : 

   दिवे गावाजवळील जाधववाडी ( ता. पुरंदर ) येथील कुमार सर्जेराव आढाळगे यांच्या घरात शॉटसर्किटमुळे लागलेल्या आगीत अंदाजे चार लाख रुपयांचे वस्तू जळून नुकसान झाले होते. ही बातमी समजताच स्व.एकनाथकाका जगताप प्रतिष्ठानचे संस्थापक संतोष जगताप यांनी संसार उपयोगी वस्तू देऊन आढाळगे परिवाराला मदतीचा हात दिला. 

   यावेळी त्यांच्या समवेत स्वर्गीय एकनाथ काका जगताप प्रतिष्ठानचे सचिव हेमंत ताकवले ,पुणे जिल्हा पत्रकार संघाचे अध्यक्ष सुनील लोणकर, सामाजिक कार्यकर्ते अंकुर शिवरकर ,माधव शिवरकर, ग्रामपंचायत सदस्य निलेश जाधवराव , राजू आढाळगे,श्रीकांत जाधवराव, भगवान आढाळगे, सोमनाथ आढाळगे उपस्थित होते.

   याबाबतचे सविस्तर वृत्त असे की जाधववाडी येथे कुमार आढाळगे,आई जयश्री आढाळगे पत्नी करिष्मा आढाळगे यांचे राहते घर आहे. हे तिघेही मजूर कामानिमित्त सासवडला गेले होते. सायंकाळच्या सुमारास शॉर्टसर्किटमुळे घराला आग लागली. शेजारील ग्रामस्थांना घरातून 

धुराचे लोट येताना दिसले. सर्वांनी मिळून बंद घराचा दरवाजा उघडून आग विझवली. घराला लागलेल्या आगीत घरातील फ्रिज, टीव्ही, भांडी, धान्य आदीसह सर्व चीज गोष्टी जळून खाक झाल्या. घरात कोणही नसल्यामुळे जीवितहानी झाली नाही. तलाठी सतीश काशीद व ग्रामविकास अधिकारी काशिपती सुतार यांनी घटनास्थळी जाऊन पंचनामा केला.

     कुमार आढाळगे यांची परिस्थिती अत्यंत गरिबीची असून घरातील सर्व वस्तू जळून खाक झाल्याने त्यांच्या कुटुंबीयांवर उपासमारीची वेळ ओढवली आहे. आढाळगे कुटुंबाला नुकसान भरपाईची मिळावी अशी मागणी जाधववाडीकर ग्रामस्थांनी केली आहे. 

    दरम्यान पुणे जिल्हा परिषदेचे माजी बांधकाम सभापती बाबाराजे जाधवराव, दिवे गावचे सरपंच योगेश टिळेकर, उपसरपंच सुमन टिळेकर, माजी उपसरपंच भारती आढाळगे, ग्रामपंचायत सदस्य निलेश जाधवराव, गजानन आढाळगे या जाधववाडीकर ग्रामस्थांनी जळालेल्या घराला भेट देवून आढाळगे परिवाराला वस्तू व आर्थिक स्वरूपात मदत केली आहे.