🚨 वीर धरणातून पाण्याचा विसर्ग वाढला 🚨 दत्तघाटाच्या पायऱ्यांना पुन्हा पुराचे पाणी पुरंदरच्या कऱ्हेवरील नाझरे किती भरले?

 🚨 वीर धरणातून पाण्याचा विसर्ग वाढला 🚨

दत्तघाटाच्या पायऱ्यांना पुन्हा पुराचे पाणी

पुरंदरच्या कऱ्हेवरील नाझरे किती भरले?

पुरंदर :
     नीरा खोऱ्यातील धरणांच्या पाणलोट क्षेत्रात दमदार पाऊस बरसत आहे. त्यामुळे चारही धरणांतून पाण्याचा विसर्ग वाढत आहे. शुक्रवारी सायंकाळी चारच्या सुमारास वीर धरातून या १५ हजार २६१ क्युसेक्सने विसर्ग सुरू करण्यात आला आहे. यामुळे निरा नदी पुन्हा दुथडी भरून वाहत आहे. सायंकाळी सात वाजता निरा नदिवरील दत्तघाटाच्या पायऱ्यांना पुन्हा पुराचे पाणी लागले आहे. पुरंदर तालुक्यातील कऱ्हा नदिवरील नाझरे धरण ही ८० टक्के भरले असुन ६५० दशलक्ष घनफूट पाणीसाठा झाला आहे.

      शुक्रवार दि. ०९ ऑगस्ट रोजी सकाळी ०४.३० वाजता वीर धरणाची पाणी पातळी ९९.२७ टक्के झाली असून धरणाच्या पाणलोट क्षेत्रामध्ये पावसाचा जोर वाढत आहे. तसेच वीर धरणाच्या वरील भागातील निरा देवघर धरण९२.५७% भरले असुन ७५० क्युसेक्सने विसर्ग सुरू आहे. भाटघर धरण १००% भरले असुन ८ हजार ६३१ क्युसेक्सने विसर्ग सुरू आहे. तर गुंजवणी धरण ९२.२९% भरले असुन  ९५१ क्युसेक्सने विसर्ग सुरू आहे. या सर्व धरणांतून विसर्ग पुन्हा वाढल्याने वीर धरणाच्या पाणी पातळीत झपाट्याने वाढ होत आहे. त्यामुळे वरिष्ठ अधिकाऱ्यांच्या सूचनेनुसार शुक्रवारी दि. ०९/०८/२०२४ रोजी सकाळी १०.३० वाजता वीर धरणाच्या सांडव्याद्वारे सुरु असलेला १ हजार २५० क्युसेक्स एवढा विसर्ग वाढवला. दुपारी ०२.१५ वाजत पुन्हा विसर्ग वाढवून तो १ हजार ३५०, ३.३० वाजता ५ हजार ९८७ वाढवून तो सायंकाळी ०४ वाजता १५ हजार २६१ क्युसेक्स करण्यात येत आहे.

पावसाचे प्रमाण व तीव्रता लक्षात घेता विसर्गामध्ये बदल करण्यात येईल. याद्वारे विनंती करण्यात येते कि, नागरिकांनी योग्य ती खबरदारी घ्यावी. कोणतीही अनुचित घटना घडल्यास त्याची सर्वस्वी जबाबदारी संबंधितांची राहील याची नोंद घ्यावी अशा सुचेना कार्यकारी अभियंता, नीरा उजवा कालवा विभाग,फलटण,जिल्हा सातारा यांनी दिल्या आहेत. 

पुरंदर तालुक्यातील कऱ्हा नदिवरील नाझरे धरण ही ८० टक्के भरले असुन ६५० दशलक्ष घनफूट पाणीसाठा झाला आहे.