सोमेश्वरनगरमध्ये वारकऱ्यांना सतरंज्या, छत्र्या वाटप

 सोमेश्वरनगरमध्ये वारकऱ्यांना सतरंज्या, छत्र्या वाटप

 नसरापुराचे ज्ञानेश्वर झोरे यांचा उपक्रम

नीरा

  ‘वैराग्याचा महामेरू तू गोरा कुंभार, या निनादात गुंजवणी येथून आगमन झालेल्या संतश्रेष्ठ गोरोबाकाका पालखीचे बारामती तालुक्यात ठिकठिकाणी जंगी स्वागत करण्यात आले. यावेळी वाघळवाडी येथे मुक्कामी असलेल्या दिंडीत नसरापुर ( ता. भोर ) येथील भोर तालुका खरेदी विक्री संघाचे माजी संचालक ज्ञानेश्वर झोरे यांच्या वतीने वारकऱ्यांना सतरंज्या, छत्र्या वाटप करण्यात आले. 

संतश्रेष्ठ गोरोबाकाका पालखीचे वाघळवडी ( ता. बारामती ) येथे आगमन झाले होते. यावेळी सरपंच वाघळवडीचे सरपंच हेमंत गायकवाड, खरेदी विक्री संघाचे माजी संचालक ज्ञानेश्वर झोरे, नसरापूरचे उपसरपंच सुधीर वाल्हेकर, भोर तालुका पत्रकार हल्ला कृती समितीचे अध्यक्ष माणिक पवार, दिंडी सोहळ्याचे तानाजी मिंडे, माणिकराव शिळीमकर, नंदकुमार जगताप, गणेश दळवी, शिवाजी शिंदे, सखाराम इंगुळकर, बाळासाहेब जगताप, विणेकरी सुरेश रसाळ, चोपदार राजू कुंभार, तुकाराम झांजे उपस्थित होते. 

टाळ, मृदंग, वीणा, पताका, डोक्यावर तुळस घेऊन भोर - वेल्हे तालुक्यातील वारकऱ्यांची गुंजवणी ( ता. राजगड ) वेल्हे येथून आकर्षक फुलांनी सजविलेल्या रथातून संतश्रेष्ठ गोरोबाकाका पालखीचे सोमेश्वरनगर ( ता. बारामती ) येथे धार्मिक कार्यक्रमात वारकरी रमले होते. यावेळी सोमेश्वरनगर परिसरातील भाविकांनी मोठ्या शिस्तीमध्ये दिंडीचे दर्शन घेतले. गेली १५ वर्षे अविरतपणे पालखी सोहळ्यासाठी परिसरातील दानशूर ग्रामस्थांनी अन्नदान करत असल्याचे गणेश दळवी यांनी सांगितले.