निरा खोऱ्यातील चारही धरणांतून विसर्ग सुरू. चार धरणांनमध्ये ९१.४२ टक्के पाणीसाठा.

 निरा खोऱ्यातील चारही धरणांतून विसर्ग सुरू.

चार धरणांनमध्ये ९१.४२ टक्के पाणीसाठा.

पुरंदर :
   निरा खोऱ्यातील चार ही धरणातून आता विसर्ग सुरू झाले आहेत. मागील आठवड्यात गुरवारी निरा नदिवरील वीर धरण ९७ टक्के भरल्याने ६१ हजार क्युसेक्सने व गुंजवणी धरणातून ४ हजार ३६९ क्युसेक्सने विसर्ग करण्यात आला होता. तर आज बुधवारी सायंकाळी आठ वाजल्यापासून निरा देवघर धरणातून ७५० क्युसेक्सने व भाटघर धरणातून १ हजार ७५० क्युसेक्सने विसर्ग सुरू करण्यात आला आहे. ४८.३२९  टिएमसी क्षमता असलेल्या नीरा खोऱ्यातील चार धरणात बुधवारी सायंकाळी ४४.१८३ टिएमसी म्हणजे ९१.४२ टक्के पाणीसाठा झाला आहे.

   गेली दोन आठवडे निरा खोऱ्यातील धरणांच्या पाणलोट क्षेत्रात दमदार पाऊस बरसत आहे. सुरवातीला गुंजवणी धरण ७१.०१ टक्के भरल्याने गुरुवारी (दि.२५) पहाटे सहा वाजता २ हजार ७२४ क्युसेक्सने विसर्ग करण्यात आला. सकाळी दहा वाजता ४ हजार ३६९ क्युसेक्सने वाढवण्यात आला. याच दरम्यान अकरा वाजता वीर धरणात मोठ्या प्रमाणावर पाणी आल्याने वीर धरणातून १३ हजार ९११ क्युसेक्सने विसर्ग सुरू करण्यात आला. दुपारी दिड वाजता ३२ हजार ४५९ क्युसेक्सने, दुपारी २.४५ वाजता ५५ हजार ६४४ क्युसेक्सने, सायंकाळी ७.१५ वाजता विक्रमी ६१ हजार ४८८ क्युसेक्सने करण्यात आल्याने नीरा नदी दुथडी भरून वाहू लागली.

      शुक्रवारी सकाळपासून कमी आधी प्रमाणात वीर व गुंजवणी धरणातून पाणी सोडण्यात आले. पण भाटघर व निरा देवघर धरणात ७० टक्के इतकाच पाणीसाठा झाल्याने या दोन धरणातून पाण्याचा विसर्ग करण्यात आला नाही. आज बुधवारी सकाळी पाच वाजता भाटघर धरण ९१.३५ टक्के, निरा देवघर धरण ८७.३६ टक्के, वीर धरण ९३.२० टक्के तर गुंजवणी धरण ७७.०७ टक्के पाणीसाठा झाला होता. सायंकाळी आठ वाजता भाटघर धरण ९४.२६ टक्के भरल्याने १ हजार ७५० क्युसेक्सने विसर्ग सुरू करण्यात आला तर निरा देवघर धरण ९०.०६ टक्के भरल्याने ७५० क्युसेक्सने विसर्ग सुरू करण्यात आला आहे. वीर धरणातून आता १५ हजार १६१ क्युसेक्सने तर गुंजवणी धरणातून २५० क्युसेक्सने विसर्ग सुरू आहे. पुरंदर तालुक्यातील नाझरे धरण बुधवारी सकाळी सहा वाजता २६ टक्के पाणीसाठा झाला आहे.