नीरा परिसरात वारीच्या वाटेवर झाडे लावणार : राजेश काकडे

 नीरा परिसरात  वारीच्या वाटेवर झाडे लावणार : राजेश काकडे 

  दत्तघटावर करण्यात आले पिंपळ वृक्षाचे बीजारोपण 

 नीरा  दि. १९

    संत ज्ञानेश्वर माऊलींना ज्या दत्तघाटावर स्नान घातला जाते त्या दत्तघाटावर आज सोमवारी निरा ग्रामपंचायत व गायत्री परिवाराच्यावतीने सुवर्ण पिंपळ वृक्षाचे म्हणजेच आळंदी येथील संत ज्ञानेश्वर माऊलींच्या समाधीस्थळी असलेल्या पिंपळ वृक्षाच्या बियांचे बीजारोपण करण्यात आले.नीरेच्या सरपंच तेजश्री काकडे,सदस्य राधा माने,वैशाली काळे यांच्या हस्ते या वृक्षाच्या बियांचे रोपंनकरण्यात आले.

  संतांचा पालखी सोहळा आता पंढरीकडे मार्गस्थ होतो आहे. मात्र या संतांच्या वाटेवर वारकऱ्यांना उष्णतेचा सामना करावा लागतो आहे. पाऊस लांबल्याने उष्णता वाढली असली तरी रस्त्यावर झाडे नसल्याने वारकऱ्यांना सावली मिळत नाही.

 या वारीच्या वाटेवर झालेल्या वृक्षतोडीमुळे वारकऱ्यांना उन्हाचा चटका सहन करावा लागत आहे .या वारीच्या वाटेवर वृक्ष लागवडीचे आवाहन  सोपानकाका पालखी सोहळ्याचे प्रमुख त्रिगुण गोसावी यांनी केलं होत. यानंतर आता नीरा ग्रामपंचायत आणि गायत्री परिवाराच्यावतीने वृक्षारोपण करण्यात येतं आहे. आज निरा येथील दत्त घाटावर पिंपळ वृक्षाचे बीजारोपण करून  वृक्ष लागवडीस सुरवात करण्यात आली. यावेळी गायत्री परिवाराचे विजय धरावडकर,त्यांचे सहकारी व नीरा ग्रामपंचायतीचे उपसरपंच राजेश काकडे, माजी जिल्हा परिषद सदस्य विराज काकडे,ग्रामपंचायत सदस्य अनंता शिंदे,माजी उपसरपंच बाळासाहेब भोसले, विजय शिंदे,तेजस जेधे, अण्णा माने, तुळशीराम जगताप ,  इत्यादी सह अनेक ग्रामस्थ उपस्थित होते.

    यावेळी बोलतांना उपसरपंच राजेश काकडे म्हणाले की,वारीच्या वाटेवर झाडे लावणे गरजेचे आहे.नीरा ग्रामपंचायतीवतीने वारीच्या वाटेवर झाडे लावण्यात येतील .त्याच बरोबर त्याच जातन करण्याची  आणि  ते मोठ होई पर्यंत सांभाळण्याची जबाबदारी सुद्धा ग्रामपंचायत घेईल.वारकऱ्यांना उन्हातून प्रवास करावं लागू नये म्हणून प्रत्येक ग्रामपंचायतीने आपापल्या भागात वारीच्या वाटेवर झाडे लावायला  हवी आहेत.असेही ते म्हणाले.