परिंचे येथे पैशासाठी विवाहितेचा छळ.सासवड पोलिसात पती व सासू विरोधात तक्रार दाखल

 परिंचे येथे पैशासाठी विवाहितेचा छळ.सासवड पोलिसात पती व सासू विरोधात तक्रार दाखल

सासवड दि.२२ 

            पुरंदर तालुक्यातील परिंचे येथील.एका विवाहित महिलेने पती व सासू यांच्याकडून माहेराहून पैसे आणण्यासाठी छळ केल्या प्रकरणी फिर्याद देण्यात आली आहे. या प्रकरणी पोलिसांनी  भारतीय दंड विधान कलम 498 (अ),324,323,504,506 नुसार गुन्हा दाखल केला आहे.

  

   या संदर्भात पोलिसांनी दिलेली माहिती अशी की,पुरंदर तालुक्यातलं  पारिंचे येथे राहणाऱ्या एका विवाहित महिलेने याबाबतची फिर्याद सासवड पोलीस स्टेशन मध्ये  दिली आहे. तिने दिलेल्या तक्रारीत नुसार सन २०१६ सालापासून  ते  दिनांक २/१०/२०२१0 रोजी रात्री ०९ वाजे पर्यंत तिच्या राहत्या घरी परिंचे  ता. पुरंदर जि. पुणे गावचे हद्दीत हा छळ करण्यात येत होता. तिचा पती प्रकाश शकंर कुचेकर व सासु  पार्वती शंकर कुचेकर  दोघे ही राहणार परिंचे ता.पुरंदर जि.पुणे यांनी फिर्यादीस मोटरसायकल घेण्यासाठी माहेरुन एक लाख रुपये आण असे म्हणून तगादा लावला होता. पैसे न दिल्याच्या व सात वर्षे लग्न होवून देखील मूल झाले नाही म्हणून फिर्यादीस तू आमच्या घरी राहावयाचे नाही, तुला आम्हाला नादंवायचे नाही. तू इथे राहू नको तू तुझ्या माहेरी जाऊन रहा. असे बोलून वारंवार मानसिक व शारीरिक छळ केला. तिचा  पतीने दारू पिवून येवून तू    घरी राहायचे नाही,तू घराचे बाहेर जा, तू येथे राहू नको असे म्हणून लोंखडी सळईने तिचे दोन्ही पायाचे मांडीवर ,उजवे पायाचे पोटरीवर मारहाण करून दुखापत केली आहे.अशा प्रकारची फिर्याद तिने सासवड  पोलिसात दिली आहे.याबाबतचं अधिकचा तपास सासवड पोलीस स्टेशनचे पोलीस निरीक्षक अण्णासाहेब घोलप यांचे मार्गदर्शनाखाली तपासी अंमलदार खोमणे करीत आहेत.