🔴 एकतर्फी प्रेमातून क्रूर खून! प्रियकराने प्रेयसीच्या पतीवर कोयत्याने वार करून घेतला जीव

 🔴 एकतर्फी प्रेमातून क्रूर खून! प्रियकराने प्रेयसीच्या पतीवर कोयत्याने वार करून घेतला जीव

पुणे ग्रामीण | प्रतिनिधी

एकतर्फी प्रेमातून निर्माण झालेल्या विकृत भावनेने अखेर रक्तरंजित वळण घेतले! प्रियसीला मिळवण्यासाठी प्रियकराने थेट तिच्या पतीचा काटा काढल्याची धक्कादायक घटना पुणे ग्रामीणमध्ये उघडकीस आली असून, या प्रकरणाने संपूर्ण परिसर हादरून गेला आहे.

जेजुरी पोलीस स्टेशन हद्दीतील माळशिरस (ता. पुरंदर) परिसरात ही भीषण घटना घडली. मृताचे नाव दीपक गोवर्धन जगताप (वय 32) असे असून, तो आपल्या पत्नी व कुटुंबासोबत राहत होता.

💔 एकतर्फी प्रेमातून कट

पोलिस तपासात उघड झाले की, आरोपी सुशांत संदीप मापरे (वय 32, व्यवसाय – चालक) याचे मृताच्या पत्नीवर एकतर्फी प्रेम होते. तिने वारंवार नकार देऊनही आरोपी तिचा पाठलाग करत होता. मृत दीपक जगताप याने या त्रासाला विरोध केला होता. याच रागातून आरोपीने खुनाचा कट रचला.

🔪 कोयत्याने निर्घृण हल्ला

दिनांक 26 डिसेंबर 2024 रोजी सकाळच्या सुमारास आरोपीने दीपक जगताप याला गाठून कोयत्याने सपासप वार केले. गंभीर जखमी अवस्थेत दीपक याचा घटनास्थळीच मृत्यू झाला. आरोपी वार करून पसार झाला.

🕵️‍♂️ पोलिसांची थरारक तपास मोहीम

घटनेची माहिती मिळताच जेजुरी पोलीस स्टेशन व स्थानिक गुन्हे शाखेच्या पथकाने तपास सुरू केला. तांत्रिक विश्लेषण, गोपनीय बातमीदार आणि सीसीटीव्ही फुटेजच्या आधारे आरोपीचा शोध घेण्यात आला. तो गावातून फरार होण्याच्या तयारीत असताना पोलिसांनी त्याला अटक केली.

⚖️ न्यायालयीन कारवाई

आरोपीला न्यायालयात हजर करण्यात आले असता, न्यायालयाने त्याला पोलीस कोठडी सुनावली आहे. आरोपीविरुद्ध खुनाचा गुन्हा दाखल करण्यात आला असून, पुढील तपास सुरू आहे.

👮‍♂️ वरिष्ठ अधिकाऱ्यांचे मार्गदर्शन

ही यशस्वी कारवाई पुणे ग्रामीण पोलीस अधीक्षक, अपर पोलीस अधीक्षक आणि उपविभागीय पोलीस अधिकारी यांच्या मार्गदर्शनाखाली जेजुरी पोलिसांनी केली.

एकतर्फी प्रेम, संशय आणि विकृत मानसिकता यामुळे आणखी एका निष्पापाचा बळी गेला. प्रेम नाकारले म्हणून खून करण्यापर्यंत मजल जाणे ही समाजासाठी गंभीर चेतावणी आहे

🔴 दारूच्या नशेत रक्तरंजित खेळ! सासवड शहरात तरुणाचा निर्घृण खून; दोन आरोपी जेरबंद

🔴 दारूच्या नशेत रक्तरंजित खेळ! सासवड शहरात तरुणाचा निर्घृण खून; दोन आरोपी जेरबंद

सासवड | प्रतिनिधी

सासवड शहरात दारूच्या नशेत झालेल्या वादातून एका तरुणाचा निर्घृण खून झाल्याची धक्कादायक घटना उघडकीस आली असून, पुणे ग्रामीण पोलिसांनी अवघ्या काही तासांत गुन्ह्याचा छडा लावत दोन आरोपींना अटक केली आहे. या घटनेमुळे सासवड शहरात एकच खळबळ उडाली आहे.

मृत तरुणाचे नाव राजू दत्तात्रय बोराटे (वय 36, रा. सासवड, ता. पुरंदर) असे असून, तो मजुरीचे काम करत होता. दिनांक 28 डिसेंबर 2024 रोजी सासवड शहरातील न्यू अमर कॉलनी परिसरात एका निर्जन ठिकाणी त्याचा मृतदेह आढळून आला. मृताच्या डोक्यावर व शरीरावर गंभीर मारहाणीच्या खुणा आढळल्याने खुनाचा संशय बळावला.

📌 दारूच्या वादातून खून

पोलिस तपासात उघडकीस आलेल्या माहितीनुसार, मृत राजू बोराटे याचा आरोपींसोबत दारू पिण्यावरून वाद झाला होता. वाद विकोपाला गेल्यानंतर आरोपींनी त्याला मारहाण करून गंभीर जखमी केले. त्यानंतर राजूचा मृत्यू झाला. गुन्हा लपवण्यासाठी आरोपींनी मृतदेह घटनास्थळीच टाकून पलायन केले.

🕵️‍♂️ पोलिसांची जलद कारवाई

घटनेची माहिती मिळताच सासवड पोलीस स्टेशन व स्थानिक गुन्हे शाखेच्या पथकाने तपासाची चक्रे वेगाने फिरवली. सीसीटीव्ही फुटेज, तांत्रिक विश्लेषण व गोपनीय माहितीच्या आधारे पोलिसांनी आरोपींचा माग काढला.

या प्रकरणात

➡️ ओमप्रकाश गोसावी (वय 34, व्यवसाय – बांधकाम मजूर)

➡️ नीरज गोसावी (वय 25, व्यवसाय – बांधकाम मजूर, रा. मध्यप्रदेश)

या दोघांना अटक करण्यात आली आहे. दोन्ही आरोपी बांधकाम मजूर असून सासवड परिसरात कामासाठी आले होते.

⚖️ न्यायालयीन कोठडी

आरोपींना न्यायालयात हजर केले असता, न्यायालयाने त्यांना पोलीस कोठडी सुनावली आहे. पुढील तपास सासवड पोलीस स्टेशनचे अधिकारी करत आहेत.

👮‍♂️ वरिष्ठ अधिकाऱ्यांचे मार्गदर्शन

ही कारवाई पुणे ग्रामीण पोलीस अधीक्षक, अपर पोलीस अधीक्षक बारामती विभाग व उपविभागीय पोलीस अधिकारी सासवड यांच्या मार्गदर्शनाखाली करण्यात आली. स्थानिक गुन्हे शाखा व सासवड पोलिसांच्या पथकाने उल्लेखनीय कामगिरी केली आहे.

पॅशनला प्रोफेशन बनवून स्वत:ला उच्च स्थानावर घेऊन जा; मनीष खन्ना यांचा विद्यार्थ्यांना सल्ला

 पॅशनला प्रोफेशन बनवून स्वत:ला उच्च स्थानावर घेऊन जा; मनीष खन्ना यांचा विद्यार्थ्यांना सल्ला

पुणे

युईआय कलिनरी कॉम्पिटिशनचे दिमाखात उद्घाटन; देशभरातील 9 कॅम्पसमधील सुमारे 150 विद्यार्थ्यांचा सहभाग 

हॉस्पिटॅलिटी आणि बिझनेस मॅनेजमेंट क्षेत्रातील विद्यार्थ्यांनी केवळ काम करायचे म्हणून करू नये तर; ते काम तुमचे पॅशन झाले पाहिजे. हेच पॅशन तुमचे प्रोफेशन बनले पाहिजे.त्यामुळे तुमचे पॅशन अशा पध्दतीने विकसित करा की जे तुम्हाला उच्च स्थानावर घेऊन जाईल, त्याच दृष्टीने युआयई ग्लोबल एज्युकेशन इन्स्टिट्यूट देशभरातील 9 कॅम्पसच्या माध्यमातून सुमारे 20 वर्षांपासून काम करत आहे,असे प्रतिपादन युआयई ग्लोबल एज्युकेशनचे व्यवस्थापकीय संचालक (MD) व मुख्य कार्यकारी अधिकारी (CEO) मनीष खन्ना (Manish Khanna, Managing Director, UIE Global Education)यांनी केले. 

UEI ग्लोबल एज्युकेशनतर्फे पुण्यातील मुळाशी येथील द फॉरेस्टा रिसॉर्ट येथे आयोजित तिसऱ्या UEI कलिनरी कॉम्पिटिशन-2025 ( पाककृती स्पर्धा) (UEI Culinary Competition-2025) स्पर्धेच्या उद्घाटन प्रसंगी मनीष खन्ना बोलत होते. याप्रसंगी इंडियन कुलिनरी फोरम उपाध्यक्ष शेफ शिशिर सक्सेना ,पुण्यातील JW Marriott चे एक्झिक्युटिव्ह शेफ मिहीर काले ,L&D, Marriott International Asia Pacific & Chinaचे माजी संचालक नरेश कपूर , IHM भोपाळचे माजी प्राचार्य आनंद कुमार, ICF चे जॉइंट सेक्रेटरी अरविंद राय , ITC चे निवृत्त एक्झिक्युटिव्ह शेफ आलोक , Novotel – Accor Group चे एक्झिक्युटिव्ह शेफ गौरव मावरी , कुलिनरी कन्सल्टंट व उद्योजक शेफ सिद्धार्थ शिंत्रे , YCMOUचे संचालक डॉ. जयदीप निकम, Taj चे निवृत्त एक्झिक्युटिव्ह शेफ, व माजी डीन शेफ हेमंत गोकळे, फॉरेस्टा रिसॉर्टचे व्यवस्थापकीय संचालक विशाल चव्हाण आदी उपस्थित होते.

विद्यार्थ्यांना मार्गदर्शन करताना मनीष खन्ना म्हणाले, यूसीसी हा विद्यार्थ्यांमध्ये उत्साह निर्माण करणारा उपक्रम असून तो पाककलेचे विद्यार्थी, प्रशिक्षक आणि व्यावसायिक यांना एकत्र आणतो. अशा स्पर्धा विद्यार्थ्यांना त्यांच्या शिक्षणाच्या सुरुवातीच्या टप्प्यातच खाद्यकलेबद्दलची आवड शोधण्याची, शिकण्याची आणि स्वतःला सिद्ध करण्याची उत्तम संधी देतात. यूसीसी केवळ त्यांना उत्तम कामगिरीसाठी प्रेरित करत नाही, तर त्यांना त्यांच्या पाककौशल्यांचे प्रदर्शन, उद्योगातील दिग्गजांशी नेटवर्किंग आणि ओळख मिळवण्याचे व्यासपीठही देते.या स्पर्धेच्या माध्यमातून विद्यार्थी भारतातील विविध संस्कृती, परंपरा आणि वारसा प्रादेशिक पाककृतींमधून एकत्र सादर करतात.

गुरूवारी (दि.18 ) UEI कलिनरी कॉम्पिटिशन 2025 चे उद्घाटन झाले असून तीन दिवस चालणाऱ्या या स्पर्धेत मिस्ट्री बॉक्स चॅलेंज, ड्रेस अ केक, ग्लोबल बिर्याणी आणि इनोव्हेशन फ्युजन अशा विविध स्पर्धांचा समावेश आहे. अंतिम फेरी ही नॉक-आउट स्वरूपाची असून, त्यातून विजेता आणि उपविजेते निवडले जाणार आहेत. विजेता आणि उपविजेत्यांना रोख पारितोषिके, पदके तसेच Golden Chef Coat सह प्रतिष्ठित MasterChef UCC हा किताब प्रदान करण्यात येणार आहे,असेही मनीष खन्ना यांनी सांगितले. 

स्पर्धेविषयी माहिती देताना पुण्यातील युआयई ग्लोबल एज्युकेशनच्या उपसंचालिका वैशाली पाटील म्हणाल्या, या स्पर्धेत यूईआय ग्लोबलच्या सर्व कॅम्पस मधून सुमारे 150 होतकरू शेफ्स सहभागी झाले आहेत. ते प्रादेशिक, भारतीय तसेच आंतरराष्ट्रीय पदार्थ सादर करत UCC Master Chef 2025 या प्रतिष्ठित किताबासाठी स्पर्धा करणार आहेत. हॉस्पिटॅलिटी आणि हॉटेल मॅनेजमेंट शिक्षण क्षेत्रात सुमारे 20 वर्षांचा अनुभव असलेल्या यूईआय ग्लोबल एज्युकेशनने आजपर्यंत 25 हजाराहून अधिक विद्यार्थ्यांना प्रशिक्षित करून देश-विदेशातील नामांकित स्टार कॅटेगरी हॉटेल्समध्ये यशस्वीपणे प्लेसमेंट दिले आहे. यूईआय ग्लोबलचे अभ्यासक्रम यूके, स्वित्झर्लंड, कॅनडा तसेच इतर अनेक देशांमध्ये लॅटरल एंट्रीसाठी मान्यताप्राप्त आहेत.

पुरंदरमध्ये अजब घटना.. निसर्गाचा अद्भुत चमत्कार! मेंढरू जन्माला पाच पायांसह

 पुरंदरमध्ये अजब घटना..

निसर्गाचा अद्भुत चमत्कार! मेंढरू जन्माला पाच पायांसह 

पुरंदर : 

       निसर्ग अनेकदा अशा घटना घडवतो की ज्या पाहून माणूसही थक्क होतो. अशाच एका दुर्मिळ आणि रंजक घटनेमुळे परिसरात एकच चर्चा सुरू झाली आहे. एका शेतकऱ्याच्या गोठ्यात मेंढरू जन्माला आले असून, विशेष म्हणजे या मेंढराला चक्क पाच पाय आहेत. 

      पुरंदर तालुक्यातील पिसुर्टी गावात ही अनोखी घटना घडली असून, संबंधित मेंढीने अलीकडेच एका पाच पायांच्या मेंढराला जन्म दिला आहे. जन्मत:च वेगळेपण दिसत असल्याने शेतकरी कुटुंबासह परिसरातील नागरिकांनी मोठी गर्दी केली. सामान्यतः मेंढरांना चार पाय असतात; मात्र या मेंढराच्या शरीराच्या पुढील बाजूस अतिरिक्त पाय स्पष्टपणे दिसत आहे. 

     पशुवैद्यकीय तज्ज्ञांच्या मते, गर्भावस्थेत झालेल्या जैविक बदलांमुळे किंवा अनुवंशिक कारणांमुळे अशा प्रकारची शारीरिक रचना निर्माण होते. ही अवस्था वैद्यकीय भाषेत ‘जन्मजात विकृती’ म्हणून ओळखली जाते. सध्या मेंढरू तंदुरुस्त असून ते दूध पित आहे व हालचालीही सामान्य असल्याचे सांगण्यात आले. 

     पिसुर्टी येथिल माहादेव सोमा काळे यांच्या मेंढ्यांच्या वाडग्यातील या घटनेमुळे निरा, वाल्हे परिसरातील नागरिकांमध्ये कुतूहल निर्माण झाले असून अनेक जण हे मेंढरू पाहण्यासाठी येत आहेत. काहींनी याला निसर्गाचा चमत्कार मानले आहे, तर काहींनी वैज्ञानिक दृष्टिकोनातून या घटनेकडे पाहण्याची गरज व्यक्त केली आहे. या दुर्मिळ घटनेमुळे पशुपालन क्षेत्रातही चर्चेला उधाण आले आहे.

पुरंदर हादरला... प्रेमविवाहाचा राग ठरला जीवघेणा; तरुणाचा कोयत्याने निर्घृण खून. या हत्याकांडाने पुरंदर तालुक्यात भीतीचे वातावरण

 पुरंदर हादरला 

प्रेमविवाहाचा राग ठरला जीवघेणा; तरुणाचा कोयत्याने निर्घृण खून. 

या हत्याकांडाने पुरंदर तालुक्यात भीतीचे वातावरण 

पुरंदर | प्रतिनधी 

      प्रेमविवाहाचा राग मनात धरून एका तरुणाने थेट सूडाचा मार्ग स्वीकारत नवविवाहित तरुणाचा कोयत्याने निर्घृण खून केल्याची खळबळजनक घटना पुरंदर तालुक्यात घडली आहे. माळशिरस गावच्या हद्दीतील रामकाठी शेताच्या शिवारात घडलेल्या या हत्याकांडाने संपूर्ण परिसरात भीतीचे वातावरण निर्माण झाले आहे. 

       दिपक गोरख जगताप (वय २२, रा. राजेवाडी, ता. पुरंदर, जि. पुणे) असे खून झालेल्या तरुणाचे नाव असून तो १३ डिसेंबर रोजी दुपारी घरातून बाहेर पडला होता. मात्र दुसऱ्या दिवशी सकाळी रामकाठी शेताच्या शिवारात त्याचा रक्ताच्या थारोळ्यात मृतदेह आढळून आला. मृतदेहावर डोके, मान, पाठ तसेच उजव्या पायावर धारदार शस्त्राने केलेल्या गंभीर जखमा स्पष्ट दिसून आल्या. 

       प्राथमिक तपासात हा खून प्रेमसंबंधातून निर्माण झालेल्या सूडभावनेतून झाल्याचे उघड झाले आहे. आरोपी सुशांत संदीप मापारी (रा. माळशिरस, ता. पुरंदर; मूळ रा. पिंपळगाव, ता. दौंड) याची पूर्वीची प्रेयसी पायल अमोल कांबळे हिने दिपक जगताप याच्याशी प्रेमविवाह केल्याचा राग मनात धरून आरोपीने ही हत्या केल्याचा आरोप आहे. 

     लग्नानंतरचे वाद मिटविण्याचा आणि पायलचा जुना मोबाईल परत देण्याचा बहाणा करत आरोपीने दिपकला शेतात बोलावून घेतले. तेथे एकांतात संधी साधून आरोपीने धारदार लोखंडी कोयत्याने दिपकवर सपासप वार केले. जागीच मृत्यू झाल्याची खात्री करून आरोपीने घटनास्थळीच हत्यार टाकून पलायन केल्याचे तपासात समोर आले आहे. 

      या प्रकरणी संतोष रोहिदास शेंडकर (वय ४६, रा. चांबळी, ता. पुरंदर) यांनी जेजुरी पोलीस ठाण्यात फिर्याद दिली असून भारतीय न्याय संहिता कलम १०३(१) अंतर्गत खुनाचा गुन्हा दाखल करण्यात आला आहे. आरोपी सध्या फरार असून त्याच्या शोधासाठी पोलीस प्रशासनाने विशेष पथके रवाना केली आहेत. 

     सदर गुन्ह्याचा तपास सहायक पोलीस निरीक्षक दिपक वाकचौरे यांच्या मार्गदर्शनाखाली पोलीस उपनिरीक्षक महेश पाटील करत असून लवकरच आरोपीला अटक करण्यात येईल, असा विश्वास जेजुरी पोलिसांनी व्यक्त केला आहे. 

     प्रेम, राग आणि सूड यांचे भीषण परिणाम या घटनेतून पुन्हा एकदा समोर आले असून, एका चुकीच्या निर्णयाने एका तरुणाचे आयुष्य संपुष्टात आल्याने परिसरात हळहळ व्यक्त केली जात आहे.

इंदापूरची श्रावणी शिताप कुराश वर्ल्ड चॅम्पियनशिपसाठी निवड; 57 किलो गटातून राज्यातील पहिली खेळाडू

 इंदापूरची श्रावणी शिताप कुराश वर्ल्ड चॅम्पियनशिपसाठी निवड; 57 किलो गटातून राज्यातील पहिली खेळाडू

  बारामती

पुणे जिल्ह्यातील इंदापूर तालुक्यातील श्रावणी प्रशांत शिताप हिची जानेवारी 2026 मध्ये इराण येथे होणाऱ्या कुराश वर्ल्ड चॅम्पियनशिपसाठी निवड करण्यात आली आहे. गुजरातमधील गांधीनगर येथे पारपडलेल्या वर्ल्ड चॅम्पियनशिप निवड चाचणीत श्रावणीने उत्कृष्ट कामगिरी करत पात्र ठरली. 57 किलो वजन गटातून वर्ल्ड चॅम्पियनशिपमध्ये खेळणारी ती महाराष्ट्रातील पहिली महिला खेळाडू ठरली आहे.

श्रावणी ही इंदापूरसारख्या ग्रामीण भागातील शेतकरी कुटुंबातून पुढे आलेली खेळाडू आहे. कठोर परिश्रम, सातत्यपूर्ण सराव आणि योग्य मार्गदर्शनाच्या जोरावर तिने हा टप्पा गाठला आहे. 2024-25 या कालावधीत तिने राष्ट्रीय स्तरावर दोन पदके पटकावली असून तिच्या खेळातील प्रगती सातत्याने दिसून येते आहे.

या यशामागे कुराश असोसिएशन ऑफ महाराष्ट्राचे सचिव तसेच इंटरनॅशनल वन स्टार पंच दत्तात्रय व्यवहारे व जयश्री व्यवहारे यांचे विशेष योगदान आहे. इंदापूर परिसरातील गोरगरीब व सर्वसामान्य कुटुंबातील शेकडो खेळाडूंना प्रसंगी मोफत प्रशिक्षण देत त्यांना राज्य व राष्ट्रीय पातळीपर्यंत पोहोचवण्याचे महत्त्वपूर्ण कार्य ते आणि त्यांचा स्टाफ करीत आहेत.

श्रावणीला कुराश असोसिएशन ऑफ महाराष्ट्राचे अध्यक्ष अंकुश नागर व महासचिव शिवाजी साळुंखे यांचेही वेळोवेळी मार्गदर्शन लाभले आहे. जानेवारी 2026 मध्ये श्रावणी भारताचे प्रतिनिधित्व करत 57 किलो वजन गटात कुराश स्पर्धेत उतरणार आहे.

तिच्या या ऐतिहासिक निवडीमुळे इंदापूर तालुका तसेच संपूर्ण महाराष्ट्रातील कुराशप्रेमींमध्ये आनंदाचे वातावरण आहे. सर्व स्तरांतून श्रावणीवर अभिनंदनाचा वर्षाव होत असून तिच्या यशामुळे आई-वडील व शहा हेल्थ क्लबचा मान अभिमानाने उंचावला आहे. श्रावणीची ही कामगिरी ग्रामीण भागातील खेळाडूंना निश्चितच प्रेरणादायी ठरणार आहे.

सासवड व जेजुरी नगरपालिकांच्या निवडणुकांनंतर ‘चाय पे चर्चा’ कार्यक्रम पुरंदर तालुका मराठी पत्रकार संघातर्फे उपक्रमाचे आयोजन

 सासवड व जेजुरी नगरपालिकांच्या निवडणुकांनंतर ‘चाय पे चर्चा’ कार्यक्रम 

पुरंदर तालुका मराठी पत्रकार संघातर्फे उपक्रमाचे आयोजन 

पुरंदर : 

      पुरंदर तालुका मराठी पत्रकार संघातर्फे सासवड व जेजुरी नगरपालिकेच्या निवडणुकांनंतर शहराच्या सर्वांगीण विकासासाठी सर्व राजकीय नेते, नवनिर्वाचित नगराध्यक्ष, नगरसेवक पदांचे उमेदवार व स्थानिक नागरिक यांना एका व्यासपीठावर आणण्यासाठी “चाय पे चर्चा” या उपक्रमाचे आयोजन करण्यात आले आहे. निवडणूक काळातील विविध मतभेद विसरून विकासाच्या दिशा ठरवण्यासाठी हा उपक्रम महत्त्वपूर्ण ठरणार असल्याची भावना आयोजकांनी व्यक्त केली. 

      या चर्चासत्रात शहराच्या प्रगतीसाठी मतमतांतरांना बाजूला ठेवत रचनात्मक आणि सकारात्मक चर्चा होणार असून, शहर विकासाचा मार्ग अधिक भक्कम करण्यास हा संवाद उपकारक ठरेल, अशी अपेक्षा संघटनेने व्यक्त केली आहे. 

कार्यक्रमाचे मार्गदर्शक म्हणून बी. एम. काळे, प्रकाश फळके, दत्ता भोंगले, सुनील लोणकर आणि भरत निंगडे यांचा समावेश आहे. आयोजन समितीमध्ये अध्यक्ष योगेश कामथे, उपाध्यक्ष प्रविण नवले, सचिव अमोल बनकर, सहसचिव मंगेश गायकवाड आणि कोषाध्यक्ष निलेश भुजबळ, समन्वयक किशोर कुदळे यांचा सहभाग आहे. याशिवाय संघटनेचे सदस्य समीर भुजबळ, राहुल शिंदे, निखिल जगताप, संतोष डुबल, चंद्रकांत चौंडकर आदींचाही सक्रिय सहभाग आहे. 

     कार्यक्रमाला सासवड व जेजुरी नगरपरिषद क्षेत्रातील सर्व राजकीय नेत्यांना विशेष निमंत्रण देण्यात आले आहे. चर्चासत्रात कोणतेही भाषण न करता मुक्त चर्चा होणार असून कार्यक्रमाचे सूत्रीकरण अत्यंत अनौपचारिक व संवादात्मक पद्धतीने करण्यात येणार असल्याचे कळविण्यात आले आहे. पुरंदर तालुका मराठी पत्रकार भवन, शिवरी, ता. पुरंदर, जि. पुणे येथे रविवार दि. १४ डिसेंबर २०२५ रोजी सकाळी ८ वा. तालुक्यातील सर्व पत्रकारांसह, राजकीय, सामाजिक, शैक्षणिक, कृषी, व्यावसायिक व धार्मिक क्षेत्रातील मान्यवरांनी उपस्थिती राहण्याचे आवाहन करण्या

त आले आहे.